Vr*sje mak*bre: 35-vjeçari shqiptar vr*tet me a*më zj*rri dhe e hedhin bashkë me makinën në lumë

Në Padova të Italisë është shënuar një krim mjaft i rëndë, ku një shtetas shqiptar ka humbur jetën si pasojë e përdorimit të armëve të zjarrit. 35-vjeçari Ferdinand Hoti është zbuluar i vdekur brenda një automjeti që ndodhej në ujërat e një lumi në zonën e San Giorgio delle Pertiche.

Sipas dyshimeve paraprake të autoriteteve hetimore, akti kriminal ka ndodhur në një vend tjetër. Viktima u gjet në pjesën e pasme të një makine Fiat Bravo me ngjyrë të zezë e cila nuk mbante targa, e cila është zhytur në lumin Tergola dhe aktualisht ndodhet nën kontrollin e grupit hetimor.

Në bazë të raportimeve nga shtypi italian, bindja se bëhet fjalë për vrasje vjen nga disa elementë konkretë: trupi i 35-vjeçarit është gjetur i lidhur, ndërsa sediljet e makinës kanë qenë të palosura.

Në vijim, ekspertët do të shqyrtojnë çdo provë të mundshme, ku përfshihen edhe gjurmët e gjakut brenda automjetit. Qëllimi i hetuesve është të zbardhin kohën dhe vendin e saktë të krimit, si dhe të vërtetojnë nëse makina është përdorur për transportimin e trupit pas vrasjes.

Në ditët në vazhdim pritet të bëhen të ditura informacione shtesë mbi këtë ngjarje tronditëse.