Të gjithë ata persona që janë obezë kanë probleme me mëlçinë e kapsllëkun duhet të informohen mbi mënyrën e trajtimit të problemeve të tyre.
Uthulla e mollës është një prej preparateve që ndihmon në kurimin e një sërë problemesh në organizmin e njeriut.
Midis përbërësve të shumtë, kjo uthull përmban acid malik në përqindje të lartë, acid tartrik, acid tartarik dhe peptina.
Nëse mund të mendoni se ky frut nuk duhet të përdoret pasi sjell dëmtime në stomak, gaboheni, pasi peptina që ndodhet në përbërjen e këtij fruti është një qetësues i mrekullueshëm i stomakut.
Ju duhet të lexoni me kujdes recetat se kur duhet të përdoret uthulla e mollës.
Dobitë në organizëm
Uthulla e mollës ul tensionin e lartë të gjakut, ndihmon në rastin e sëmundjeve të fytit dhe është një rregullator shumë i mirë i tretjes së çrregulluar, metabolizmit dhe qarkullimit të dobët të gjakut.
Uthulla e mollës gjithashtu bën të mundur ruajtjen e një peshe standarde, lufton mykun në organizëm, kondilomat, parazitët në kokë, balancon sistemin e brendshëm të gjëndrave endokrine si dhe ndihmon në stimulin e qarkullimit kardiovaskular dhe pastrues i gjakut nga pllakëzat dhjamore.
Gjithashtu, shërben si luftues i sëmundjeve mykotike te bimët si dhe fluturën e bardhë e tenjën e rrushit. Ky produkt natyral meriton një vend të veçantë në tempullin e shëndetit të njeriut.
Për të luftuar lodhjen kronike, përzieni 3 lugë të vogla me uthull molle dhe një filxhan mjaltë, e masën vendoseni në një kavanoz dhe çdo mbrëmje para fjetjes konsumoni një lugë çaji nga kjo përzierje.
Do të vini re që ditën tjetër do të jeni më të “freskët” për punë. Për të pasur rezultate kundër dhimbjeve të kyçeve të shkaktuara nga artriti reumatoid, ose kalcifikime bëni mirë të mbështillni vendet që iu dhembin me uthull molle dhe pak mjaltë dhe mbi të vendosni një garzë për të mos u fshirë uthulla nga rrobat. Përveç kësaj, është mirë që të pihen 1-2 lugë çaj nga uthulla e mollës së përgatitur.
Për rënie të peshës trupore, provoni të pini çdo mëngjes esëll, 1 gotë ujë ku keni hedhur 1-2 lugë gjelle me uthull molle dhe fare pak piper të zi. Brenda pak ditësh do ta ndjeni trupin më të lehtësuar. Ndërsa për të luftuar zgjerimin e venave (vena merimangë) çdo mëngjes dhe mbrëmje masazhoni lëkurën mbi venat e zgjeruara me një filxhan ujë dhe një lugë gjelle uthull molle.
Ndërsa gjatë ditës mund të hidhni në ushqim 1-2 lugë gjelle uthull molle të pastër. Kjo e fundit mund të detoksifikojë shtëpinë tuaj, e nëse merrni uthull nga mollët e egra dhe ta përdorni si për pastrimin e sipërfaqeve të tavolinave, tualetit apo lavamanit, ju do të vini re se ato marrin një shkëlqim krejtësisht të veçantë.
Uthulla e mollës së egër luan një rol të rëndësishëm për flokë plot shkëlqim e mund të përdoret si një shpëlarës i flokëve pas shampos, pasi ndikon në rritjen e volumit të tyre dhe pastron zbokthin. Për këtë, në një litër e gjysmë ujë, hidhni një lugë e gjysmë gjelle me uthull molle, pasi do të rregullojë edhe pehashin e lëkurës suaj, ku me ndihmën e një pambuku lëngu përhapet në lëkurë. Por kjo mund të vendoset edhe mbi aknet, lythat, ose kondiloma.
Lëkura në këto raste duket sikur irritohet, por lythat bien, ndërsa kur përdoret për kondilomat, garzat me uthull molle të përqendruar vendosen të shoqëruara me pak hudhër të shtypur. Kjo uthull ndikon edhe në zbardhjen e dhëmbëve dhe lehtësimin e djegieve nga dielli, madje edhe si një solucion pas rroje ose pas depilimit. Uthulla e mollës së egër jep një kontribut të çmuar për sistemin limfatik, pasi ndihmon dhe pastron nyjat limfatike, pasi edhe vetë studimet shkencore sugjerojnë që kjo tretësirë të përdoret në luftimin e alergjive, për shkak se është antimykotike dhe nxit hapjen e sinuseve.