![\"\"](\"https:\/\/blogseyir.com\/wp\/wp-content\/uploads\/2025\/02\/76917D1D-1E68-4D89-9F71-C5C1235F1354.jpg\")
<\/p>\n<\/p>\n
N\u00eb rastet kur kjo dhimbje lind n\u00eb pjes\u00ebn e pasme t\u00eb kok\u00ebs, shkaku i saj mund t\u00eb jet\u00eb cervikalja,<\/p>\n
pra vertebrat mund t\u00eb shtypin \u00e7iftet e nervave; nj\u00eb majtas e nj\u00eb djathtas ose shtypin arteriet q\u00eb ushqejn\u00eb sistemin nervor me gjak dhe v\u00ebshtir\u00ebsojn\u00eb qarkullimin e gjakut.<\/p>\n
<\/p>\n
Por dhimbje t\u00eb kok\u00ebs shkakton edhe p\u00ebrdorimi i pijeve alkoolike ose i ver\u00ebs s\u00eb porsa hapur pa pritur q\u00eb kjo e fundit t\u00eb \u00e7liroj\u00eb gazin sulfuror.<\/p>\n
Nj\u00eb tjet\u00ebr faktor q\u00eb ndikon n\u00eb shfaqjen e dhimbjeve n\u00eb kok\u00eb \u00ebsht\u00eb edhe q\u00ebndrimi pran\u00eb ekranit t\u00eb televizorit dhe sidomos n\u00eb rastet kur ky \u00ebsht\u00eb mbi 37 polsh.<\/p>\n
Gjithashtu, personat q\u00eb lexojn\u00eb shtrir\u00eb, dhe nuk kan\u00eb ndri\u00e7imin e duhur gjat\u00eb k\u00ebtij procesi, mund t\u00eb jen\u00eb t\u00eb predispozuar p\u00ebr t\u2019u prekur nga dhimbjet n\u00eb pjes\u00ebn e kok\u00ebs.<\/p>\n
Llojet e dhimbjeve<\/p>\n
Dhimbjet e kok\u00ebs i klasifikojm\u00eb n\u00eb grupime t\u00eb ndryshme, n\u00eb var\u00ebsi t\u00eb zon\u00ebs q\u00eb prekin.<\/p>\n
K\u00ebshtu n\u00eb kategorin\u00eb e par\u00eb b\u00ebjn\u00eb pjes\u00eb dhimbjet primare, t\u00eb cilat jan\u00eb tep\u00ebr t\u00eb forta, ndahen n\u00eb intervale e zgjasin nga nj\u00eb deri n\u00eb disa or\u00eb, por mund t\u00eb ndodh\u00eb q\u00eb t\u00eb prekin t\u00eb s\u00ebmurin gjat\u00eb gjith\u00eb dit\u00ebs.<\/p>\n
Nj\u00eb prej dhimbjeve primare \u00ebsht\u00eb e ashtuquajtura dhimbje tensioni q\u00eb jep ndjesi pulsuese n\u00eb kok\u00eb, ngushtim n\u00eb qaf\u00eb, e muskuj, e cila shkaktohet m\u00eb shum\u00eb nga ngushtimi i artereve n\u00eb sistemin e qarkullimit t\u00eb gjakut, stresi, lodhja e tep\u00ebrt etj.<\/p>\n
\u00c7dokush mund t\u00eb preket nga kjo lloj s\u00ebmundjeje. Nj\u00eb tjet\u00ebr form\u00eb e dhimbjes primare \u00ebsht\u00eb ajo q\u00eb p\u00ebrhapet vet\u00ebm n\u00eb nj\u00eb zon\u00eb t\u00eb kok\u00ebs, pra vet\u00ebm n\u00eb nj\u00eb an\u00eb t\u00eb saj, vet\u00ebm n\u00eb ball\u00eb, apo vet\u00ebm rrotull nj\u00ebrit sy.<\/p>\n
Kjo dhimbje shkakton djegie, por mund t\u00eb shfaqen edhe sekrecione t\u00eb hund\u00ebs, lotim t\u00eb syve etj. Shkaktari i k\u00ebsaj lloj s\u00ebmundjeje mund t\u00eb jet\u00eb sinoziti.<\/p>\n
Njer\u00ebzit mund t\u00eb preken edhe nga dhimbjet e shkaktuara nga migrena, qoft\u00eb kjo dhimbje nga migrena orar apo ajo klasike, q\u00eb shkaktojn\u00eb dhimbje t\u00eb kok\u00ebs me pulsime n\u00eb brend\u00ebsi dhe pastaj vazhdon e rritet.<\/p>\n
Disa nga simptomat q\u00eb shfaqen kur i s\u00ebmuri preket nga kjo dhimbje jan\u00eb: marrje mendsh, t\u00eb vjella, apo ndjeshm\u00ebri ndaj drit\u00ebs.<\/p>\n
Kjo ndodh m\u00eb shum\u00eb te femrat, sidomos para ciklit menstrual, por mund t\u00eb jet\u00eb edhe e trash\u00ebguar. K\u00ebto ishin disa nga s\u00ebmundjet e llojit primar. Nd\u00ebrkoh\u00eb n\u00eb grupin tjet\u00ebr b\u00ebjn\u00eb pjes\u00eb dhimbjet sekondare e k\u00ebtu p\u00ebrfshihen alergjia, dhe sinusi q\u00eb shkaktojn\u00eb dhimbje koke n\u00eb pjes\u00ebn e p\u00ebrparme t\u00eb kok\u00ebs. Dhimbjet shtohen n\u00eb periudh\u00ebn e pranver\u00ebs kur polenet n\u00eb aj\u00ebr dhe grimcat p\u00ebrhapen n\u00eb maksimum. Nd\u00ebrkaq, edhe ndryshimet e nivelit t\u00eb hormoneve mund t\u00eb shkaktojn\u00eb dhimbje koke. Disa prej faktor\u00ebve jan\u00eb cikli menstrual; tabletat p\u00ebr ndalim shtatz\u00ebnie gjat\u00eb t\u00eb cilit rritet estrogjeni dhe jep dhimbje koke; p\u00ebrdorimi i tep\u00ebrt i kafes pasi dehidraton qelizat e trupit dhe shkakton ngjeshjen e neuroneve pa l\u00ebngje midis tyre. Por edhe aktiviteti intensiv fizik mund t\u00eb shkaktoj\u00eb dhimbje koke pasi shpesh ndodh edhe rritja e presionit t\u00eb gjakut \u00e7ka sjell dhimbje sumbuese t\u00eb saj. Por kjo lloj dhimbjeje nuk zgjat shum\u00eb e largohet pak koh\u00eb pas q\u00ebndrimit n\u00eb qet\u00ebsi t\u00eb trupit. Sipas studimeve edhe tensioni i lart\u00eb shkakton dhimbje koke, e cila p\u00ebrhapet n\u00eb t\u00eb dyja an\u00ebt e kok\u00ebs dhe \u00ebsht\u00eb pulsuese, madje sjell ndryshim t\u00eb shikimit, ngushtim t\u00eb frym\u00ebmarrjes, e dhimbje n\u00eb kraharor. N\u00eb k\u00ebto raste, i s\u00ebmuri duhet t\u00eb marr\u00eb ila\u00e7e p\u00ebr uljen e tensionit menj\u00ebher\u00eb. Nj\u00eb form\u00eb tjet\u00ebr e dhimbjeve t\u00eb kok\u00ebs jan\u00eb edhe ato post traumatike q\u00eb vijn\u00eb pas aksidenteve ose d\u00ebmtimeve n\u00eb tru, dhimbje, t\u00eb cilat largohen pas 2-3 dit\u00ebsh.<\/p>\n
Trajtimi me bim\u00eb mjek\u00ebsore<\/p>\n
P\u00ebr t\u00eb parandaluar dhimbjet e kok\u00ebs duhet t\u00eb konsumoni shum\u00eb uj\u00eb gjat\u00eb dit\u00ebs. N\u00eb momentin e par\u00eb q\u00eb ndjeni dhimbje pini 2 gota uj\u00eb nj\u00ebra pas tjetr\u00ebs. Tregoni nj\u00eb kujdes t\u00eb ve\u00e7ant\u00eb p\u00ebr diet\u00ebn e ushqehuni mir\u00eb n\u00eb t\u00eb tria vaktet, qoft\u00eb edhe nga pak e mundohuni q\u00eb ushqimi t\u00eb konsumohet n\u00eb t\u00eb nj\u00ebjtin orar. M\u00eb tej kontrolloni her\u00eb pas here tensionin e ul\u00ebt ose t\u00eb lart\u00eb si dhe konsumoni antioksidant\u00eb. Nd\u00ebr antioksidant\u00ebt m\u00eb t\u00eb fuqish\u00ebm jan\u00eb ato produkte q\u00eb rriten n\u00eb natyr\u00eb, ve\u00e7an\u00ebrisht frutat q\u00eb kan\u00eb ngjyr\u00eb t\u00eb zez\u00eb. K\u00ebshillojm\u00eb q\u00eb t\u00eb konsumoni nj\u00eb lug\u00eb gjelle n\u00eb dit\u00eb me boronice pasi kjo pastron gjakun, e hollon at\u00eb dhe ushqen sistemin nervor. Rekomandohet edhe marrja e 1-2 lug\u00eb gjelle me manaferra pasi ushqen sistemin nervor, ashtu si dhe rrushi i zi apo \u00e7okollata e zez\u00eb. Po k\u00ebshtu trurin e ushqejn\u00eb t\u00eb gjitha ato fruta, t\u00eb cilat p\u00ebrmbajn\u00eb magnez e vitamina B1, B2, B3, B6 si\u00e7 jan\u00eb arra, bajamja, lajthia, farat e kungullit etj. Konsumimi gjat\u00eb dit\u00ebs i 10 fijeve shafrani, b\u00ebn q\u00eb jo vet\u00ebm t\u00eb qet\u00ebsohen dhimbjet e kok\u00ebs, por t\u00eb frenohet edhe plakja e parakohshme.<\/p>\n
P\u00ebrve\u00e7 k\u00ebsaj, l\u00ebnd\u00ebt aktive t\u00eb shafranit si pikokrocina dhe krocinina shmangin fryrjet apo \u00ebnjtjet e zgjatimeve nervore. Iu rekomandojm\u00eb q\u00eb t\u00eb konsumoni \u00e7ajra q\u00eb forcojn\u00eb en\u00ebt e qarkullimit t\u00eb gjakut n\u00eb kok\u00eb dhe q\u00eb kan\u00eb efekt hidratues. Sistemi nervor ka rreth 100 bilion qeliza dhe k\u00ebto qeliza kan\u00eb zgjatimet e tyre q\u00eb shkojn\u00eb deri n\u00eb ekstremitete dhe nj\u00ebkoh\u00ebsisht kan\u00eb pikat e takimit me njeri- tjetrin. Pik\u00ebrisht k\u00ebto \u00e7ajra b\u00ebjn\u00eb q\u00eb zgjatimet e neuroneve (aksonet) t\u00eb mos mbingarkohen. N\u00eb k\u00ebt\u00eb grup \u00e7ajrash futen bim\u00ebt si bari i blet\u00ebs mendra e but\u00eb, livandoja, borziloku, rozmarina etj. Nd\u00ebrsa n\u00eb rastet kur kemi t\u00eb b\u00ebjm\u00eb me dhimbje nga sinoziti, b\u00ebjm\u00eb mir\u00eb q\u00eb ti qet\u00ebsojm\u00eb k\u00ebto duke p\u00ebrdorur nj\u00eb \u00e7aj p\u00ebr sionozitin nga gjethet e ekualipsit t\u00eb mentes apo rigonit. N\u00ebse ju gjeni me t\u00eb v\u00ebrtet\u00eb shkakun nga lind dhimbja e kok\u00ebs, e keni shum\u00eb her\u00eb m\u00eb t\u00eb leht\u00eb p\u00ebr t\u00eb shmangur dhimbjet e saj. Po k\u00ebshtu n\u00ebse dhimbja \u00ebsht\u00eb nga pjesa cervikale mjafton t\u00eb shkrif\u00ebrohen muskujt n\u00eb pjes\u00ebn e pasme t\u00eb saj duke i lyer me disa vajra bimore si\u00e7 mund t\u00eb jet\u00eb livandoja, dafina, apo helikrisium.<\/p>\n