{"id":8207,"date":"2025-01-23T22:03:57","date_gmt":"2025-01-23T22:03:57","guid":{"rendered":"https:\/\/blogseyir.com\/wp\/?p=8207"},"modified":"2025-01-23T22:03:59","modified_gmt":"2025-01-23T22:03:59","slug":"lulet-te-blirit-ilac-per-shume-semundje-ylli-merja-tregon-perdorimin-per","status":"publish","type":"post","link":"https:\/\/blogseyir.com\/wp\/lulet-te-blirit-ilac-per-shume-semundje-ylli-merja-tregon-perdorimin-per\/","title":{"rendered":"Lulet t\u00eb Blirit\/ Ila\u00e7 p\u00ebr shum\u00eb s\u00ebmundje, Ylli Merja tregon p\u00ebrdorimin per…"},"content":{"rendered":"

Esht\u00eb koha e mbledhjes s\u00eb luleve t\u00eb blirit! Ylli Merja tregon si t\u00eb p\u00ebrdorim \u00e7ajin e blirit n\u00eb trajtimin e nj\u00eb s\u00ebr\u00eb problematikash sh\u00ebndet\u00ebsore<\/h2>\n

\"\"<\/p>\n

Lulet e blirit q\u00eb prej lasht\u00ebsis\u00eb njiheshin si lulet ku fshihen rrezet e diellit.<\/p>\n

Gjethet e k\u00ebsaj peme lul\u00ebzojn\u00eb prej fillimit t\u00eb pranver\u00ebs e deri n\u00eb vjesht\u00eb. Arom\u00ebn deh\u00ebse t\u00eb blirit do ta ndjeni pothuajse n\u00eb \u00e7do rrug\u00eb t\u00eb qytetit.<\/p>\n

Lulet mblidhen s\u00eb bashku me gjethet n\u00eb fillim t\u00eb lul\u00ebzimit, gjat\u00eb koh\u00ebs me diell kryesisht gjat\u00eb muajit qershor.<\/p>\n

Lulet e blirit p\u00ebr shkak t\u00eb p\u00ebrb\u00ebr\u00ebsve kimik t\u00eb pasur me antioksidant\u00eb, flavonoide, tanine dhe acide organike kan\u00eb efekte terapeutike p\u00ebr nj\u00eb s\u00ebr\u00eb s\u00ebmundjesh.<\/p>\n

\u00c7aji nga lulet e blirit \u00ebsht\u00eb p\u00ebrdorur gjer\u00ebsisht n\u00eb mjek\u00ebsin\u00eb tradicionale popullore t\u00eb shum\u00eb vendeve n\u00eb bot\u00eb.<\/p>\n

N\u00eb studion e \u201cRreze Dielli\u201d n\u00eb rubrik\u00ebn \u201cBima dhe Sh\u00ebndeti\u201d me specialistin e bim\u00ebve mjek\u00ebsore Ylli Merja, tregojm\u00eb si t\u00eb p\u00ebrdorim lulet e blirit n\u00eb \u00e7ajra t\u00eb ndryshme p\u00ebr qet\u00ebsimin dhe trajtimin e nj\u00eb s\u00ebr\u00eb problematikash sh\u00ebndet\u00ebsore.<\/p>\n

\u201cVetit\u00eb e lules s\u00eb blirit vijn\u00eb p\u00ebr shkak t\u00eb p\u00ebrb\u00ebr\u00ebsve kimik si flavonoidet, glukozidet e quercetin\u00ebs dhe kamferolit, taninet, mucilagjet, acidet aromatike, acidet organike e vajra esencial. Nd\u00ebrsa sythet e blirit p\u00ebrmbajn\u00eb auksin\u00eb dhe giberilin\u00eb, enzima dhe acide nukleike q\u00eb normalizojn\u00eb psiqik\u00ebn nervore\u201d thekson Ylli Merja duke vijuar m\u00eb tej me vlerat sh\u00ebndet\u00ebsore terapeutike t\u00eb blirit.<\/p>\n

– Zbut\u00ebs i koll\u00ebs dhe antispazmatik
\n– Zbut sekrecionet dhe leht\u00ebson nxjerrjen e tyre n\u00eb s\u00ebmundjet e bronkitit, gjendje gripi, ethe
\n– Diaforik, nxit djersitjen, ul temperatur\u00ebn e lart\u00eb
\n– Koleretik dhe Kolagog: nxit prodhimin e bil\u00ebs
\n– Antispazmatik i rrug\u00ebve biliare
\n– Kambiumi p\u00ebrmir\u00ebson qarkullimin e limf\u00ebs
\n– Sythat e blirit normalizojn\u00eb psiqik\u00ebn nervore
\n– Celuliti, prania e acideve organike
\n– Qet\u00ebson pulsin e lart\u00eb t\u00eb gjakut (takikardin\u00eb), problemet e sistemit t\u00eb tretjes
\n– Antistres, qet\u00ebsues nervor
\n– Ul agresivitetin e migren\u00ebs
\nM\u00ebnyrat e p\u00ebrdorimit t\u00eb luleve t\u00eb blirit jan\u00eb t\u00eb shumta, mund t\u00eb konsumohet si \u00e7aj, i cili ka nj\u00eb arom\u00eb t\u00eb mrekullueshme \u00ebmb\u00eblsuar me pak mjalt\u00eb p\u00ebr qet\u00ebsimin e koll\u00ebs, ankthit dhe stresit. Por mund t\u00eb p\u00ebrdoret dhe n\u00eb esktrakt alkolik.<\/p>\n

\u201cMarrim 20-25 gr sytha bliri, i hedhim n\u00eb 75-80 m alkool, lihet t\u00eb q\u00ebndroj\u00eb 15-20 dit\u00eb. Filtrojeni dhe pihet 4 pika p\u00ebr \u00e7do 10 kg t\u00eb pesh\u00ebs trupore. Gjithashtu mund t\u00eb p\u00ebrgatisim mjalt\u00eb me lule bliri. Mbledhin lule bliri t\u00eb njom\u00eb, i hedhim n\u00eb nj\u00eb vazo 700 ml sa t\u00eb mbushet deri n\u00eb 2\/3 me lule. Shtojm\u00eb mjalt\u00eb sa t\u00eb mbushet kavanozi dhe e l\u00ebm\u00eb t\u00eb macerohet p\u00ebr 30 dit\u00eb. Kullohet mjalti, i cili ka marr\u00eb nj\u00eb arom\u00eb deh\u00ebse t\u00eb blirit dhe konsumohet nga nj\u00eb lug\u00eb \u00e7aji\u201d shprehet Merja, i cili tregon dhe si t\u00eb realizojm\u00eb disa \u00e7ajra mjaft efektiv n\u00eb luftimin e stresit, migren\u00ebs, pagjum\u00ebsis\u00eb, koll\u00ebs, astm\u00ebs si dhe p\u00ebr \u00e7rregullimet e stomakut.<\/p>\n

\u00c7aj antistres dhe kund\u00ebr migren\u00ebs<\/p>\n

– N\u00eb 1,5 lit\u00ebr uj\u00eb vlojm\u00eb: 5-6 gr lule bliri, 1 luge gjelle borzilok, 1 dor\u00eb murriz lule, 1 dor\u00eb bar blete, 1 lug\u00eb moll\u00eb t\u00eb eg\u00ebr. E lem\u00eb t\u00eb vloj\u00eb 1 minut\u00eb, fikim sob\u00ebn dhe e l\u00ebm\u00eb t\u00eb ftohet p\u00ebr 10-12 minuta. Pihen 2-3 gota n\u00eb dit\u00eb \u00ebmb\u00eblsuar me pak mjalt\u00eb.
\n\u00c7aj p\u00ebr koll\u00ebn dhe astm\u00ebn<\/p>\n

– N\u00eb 1,5 lit\u00ebr uj\u00eb shtojm\u00eb: 5 gr lule bliri, 2 gr zhumbric\u00eb, 2-3 gr xhinxh\u00ebr, 2-3 gr gjethe delli, 2 gr rigon ose trum\u00ebz. E lem\u00eb t\u00eb vloj\u00eb 1-2 minuta, fikim sob\u00ebn, e l\u00ebm\u00eb t\u00eb ftohet p\u00ebr 10-12 minuta. Pihen 2-3 gota n\u00eb dit\u00eb \u00ebmb\u00eblsuar me pak mjalt\u00eb.
\n\u00c7aj p\u00ebr pagjum\u00ebsin\u00eb<\/p>\n

– N\u00eb 250 ml uj\u00eb ziejm\u00eb 2 minuta: nj\u00eb lug\u00eb \u00e7aji valerian\u00eb, 1 dor\u00eb lule bliri (3gr). E kullojm\u00eb \u00e7ajin pasi ftohet dhe pihet n\u00eb mbr\u00ebmje \u00ebmb\u00ebsuar me pak mjalt\u00eb.
\n\u00c7aj p\u00ebr \u00e7rregullimet e stomakut<\/p>\n

– N\u00eb 1.5 lit\u00ebr uj\u00eb q\u00eb vlon shtojm\u00eb: 3-4 gr lule bliri, 3-4 gr lule basar\u0131i, 2-3 gr kamomil, 2-3 gr bar majasilli, 2-3 gr m\u00ebllag\u00eb. E l\u00ebm\u00eb t\u00eb vloj\u00eb p\u00ebr 1-2 minuta dhe m\u00eb pas t\u00eb ftohet n\u00eb sob\u00eb t\u00eb fikur p\u00ebr 12 minuta. Pihen 2-3 gota n\u00eb dit\u00eb para buke.<\/p>

<\/div><\/div>\n