![\"\"](\"https:\/\/blogseyir.com\/wp\/wp-content\/uploads\/2025\/04\/image-460.jpg\")
<\/p>\nNj\u00eb ngjarje e r\u00ebnd\u00eb tronditi juglindjen e vendit vite m\u00eb par\u00eb.<\/p>\n
<\/p>\n
N\u00eb qershor t\u00eb vitit 2018, i riu 18-vje\u00e7ar, Antonio Karafili u gjet i varur n\u00eb pyllin e Voskopoj\u00ebs. Q\u00eb prej asokohe zemra e n\u00ebn\u00ebs dhe babait t\u00eb Antonios nuk ka gjetur qet\u00ebsi dhe kan\u00eb k\u00ebrkuar n\u00eb \u00e7do instanc\u00eb drejt\u00ebsi p\u00ebr djalin e tyre dhe zbardhjen e k\u00ebsaj ngjarje, pasi ashtu si dhe ata kan\u00eb pohuar disa her\u00eb, djali i tyre nuk kishte vrar\u00eb veten ashtu si dhe u raportua fillimisht.<\/p>\n
E teksa kan\u00eb kaluar plot shtat\u00eb vite nga kjo ngjarje, Prokuroria e qytetit t\u00eb Kor\u00e7\u00ebs, pas nj\u00eb hetimi t\u00eb thelluar ka arritur q\u00eb t\u00eb identifikoj\u00eb dy autor\u00ebt t\u00eb cil\u00ebt e vran\u00eb Karafilin dhe m\u00eb pas e var\u00ebn p\u00ebr t\u00eb fshehur gjurm\u00ebt dhe p\u00ebr ta \u201cshitur\u201d k\u00ebt\u00eb ngjarje si nj\u00eb vet\u00ebvrasje.<\/p>\n
Nga hetimet e b\u00ebra deri m\u00eb tani rezulton se Kejsi Spaillari, asokohe vet\u00ebm 18 vje\u00e7, s\u00eb bashku me t\u00eb dashurin e saj, Rexhep Vathin, e kan\u00eb mbytur me \u00e7ar\u00e7af Antonio Karafilin dhe m\u00eb pas trupin e pajet\u00eb t\u00eb s\u00eb riut e var\u00ebn n\u00eb nj\u00eb pish\u00eb.<\/p>\n
M\u00ebsohet se ndaj Spaillarit, prokuroria e qytetit, me n\u00eb krye prokuroren e k\u00ebsaj \u00e7\u00ebshtje, Vasjana Postoli, ka l\u00ebshuar mas\u00ebn \u201carrest me burg\u201d p\u00ebr akuz\u00ebn e \u201cvrasjes me dashje\u201d, kryer n\u00eb bashk\u00ebpunim. Nd\u00ebrsa, p\u00ebr Rexhepin Vathin nuk \u00ebsht\u00eb l\u00ebshuar asnj\u00eb mas\u00eb sigurie, duke qen\u00eb se ky i fundit ka nd\u00ebrruar jet\u00eb vite m\u00eb par\u00eb.<\/p>\n
Gazetari i \u201cOra News\u201d Elton Qyno, ka m\u00ebsuar se Kejsi Spaillari \u00ebsht\u00eb zbuluar nga nj\u00eb gjurm\u00eb biologjike ADN, q\u00eb \u00ebsht\u00eb gjendur n\u00eb \u00e7ar\u00e7afin me t\u00eb cilin ishte lidhur n\u00eb qaf\u00eb, Antonio Karafili. M\u00ebsohet se e reja nuk ndodhet n\u00eb territorin e Shqip\u00ebris\u00eb, por n\u00eb Kanada, ku dhe prej vitesh jeton.<\/p>\n
Vrasja e Antonio Karafilit:<\/p>\n
N\u00eb 14 Qershor 2018 n\u00eb pyllin e Voskopoj\u00ebs u gjet i varur n\u00eb nj\u00eb pem\u00eb 18-vje\u00e7ari Antonio Karafili. Personi, q\u00eb e pa p\u00ebr her\u00eb t\u00eb fundit n\u00eb jet\u00eb Antonion, ishte e dashura e tij, Kejsi Spaillari, asokohe vet\u00ebm 18 vje\u00e7.<\/p>\n
Ngjarja dyshohet t\u00eb ket\u00eb ardhur si pasoj\u00eb e nj\u00eb lidhje sentimentale q\u00eb Kejsi Spaillari kishte krijuar paralelisht me Antonio Karafilin dhe Rexhep Vathin.<\/p>\n
Asokohe kur policia gjeti trupin e t\u00eb riut, fillimisht u tha se ishte nj\u00eb vet\u00ebvrasje, por nga hetimet e kryera rezultoi se kishim t\u00eb b\u00ebnim me nj\u00eb vrasje.<\/p>\n
Nj\u00eb detaj i cili shtyu grupin hetimor t\u00eb kryente m\u00eb tep\u00ebr hetime p\u00ebr k\u00ebt\u00eb ngjarje ishte fakti se n\u00eb momentin kur policia e gjeti trupin e pajet\u00eb t\u00eb s\u00eb riut, ai u gjet me k\u00ebmb\u00eb n\u00eb tok\u00eb dhe jo i varur plot\u00ebsisht n\u00eb aj\u00ebr. Gjithashtu, Karafili nuk kishte n\u00eb duar apo n\u00eb thonjt\u00eb asnj\u00eb p\u00ebrmbajtje t\u00eb l\u00ebvoreve t\u00eb pish\u00ebs, detaj q\u00eb bindi prokurorin\u00eb se i riu nuk kishte hipur n\u00eb pem\u00eb vet\u00ebm p\u00ebr t\u00eb lidhur \u00e7ar\u00e7afin me t\u00eb cilin \u00ebsht\u00eb vet\u00ebvarur.<\/p>\n