Moderatorja e njohur Kiara Tito ka ndarë me ndjekësit një moment shumë të veçantë nga jeta e saj personale.
Përmes një videoje të publikuar në Instagram, ajo ka prezantuar shtëpinë e saj të re – një ambient i kuruar deri në detaj dhe me stil të ngrohtë e modern, që i ka bërë fansat të mrekullohen.
Videoja tregon hapësira të ndriçuara, dizajn minimalist dhe elemente që reflektojnë elegancën dhe shijen e Kiarës. Ajo ka shoqëruar postimin me fjalët “Mezi pritem qe ta ndanim me ju kete video. Si ju duket ky arredim”?, duke ndarë emocionin për një kapitull të ri në jetën e saj.
Komentet nuk kanë munguar – ndjekësit e kanë komplimentuar për stilin, por edhe për këtë arritje personale, ndërsa shumë prej tyre e kanë quajtur shtëpinë “një parajsë moderne”.
Pas angazhimeve në ekran dhe projektet e shumta televizive, duket se Kiara po jeton një nga momentet më të bukura të jetës së saj, e rrethuar nga dashuria, qetësia dhe ambienti i ri që tashmë e quan “shtëpi”. /Prive By Liberta Spahiu
View this post on Instagram