Një moment i papritur gjatë intervistës së mbrëmshme në emisionin “Opinion” ka bërë që Sali Berisha të bëhet viral në rrjetet sociale.
I ftuar nga Blendi Fevziu për të folur rreth fushatës për zgjedhjet e 11 majit dhe programit të tij elektoral, Berisha pati një ndërveprim që nuk kaloi pa u vënë re nga publiku.
Në mes të diskutimit, gazetari Fevziu i tha: “Ju u tallët me Ramën që shkonte me atlete, tani veshët vet atlete”, duke iu referuar stilit më sportiv të Berishës gjatë takimeve.
Pa u menduar dy herë, Berisha iu përgjigj duke thënë: “Mos krahaso të pakrahasueshmen, nuk jam me kostum, jam casual. Të lutem, jam casual. Casual nuk përjashton kravatën.”
Mënyra e të thënit “Casual” nga Berisha, u prit me humor nga publiku, duke u bërë menjëherë viral në rrjet.