Big Basta, fituesi i sezonit të dytë të Ferma VIP ka zbuluar planet e tij për të ardhmen dhe mënyrën se si do të shfrytëzojë çmimin prej 100 mijë eurosh.
“Planet kryesore janë publikimi i albumit, ku më ka mbetur vetëm një këngë për ta përfunduar. Do të bëj edhe promovimin e tij”, tha artisti.
Ai shtoi se ka edhe projekte të tjera në pritje, përfshirë punën me radion ku është pjesë dhe ofertat për bashkëpunime muzikore.
“Kam edhe këngën me Erandin që dua shumë ta publikoj këtë verë”, vijoi ai.
Në fund, Big Basta tha se do të shijojë fitoret e tij edhe me familjen, duke iu dedikuar kohë të çmuar pranë tyre.
Në “Ferma Club”, ish-konkurrentët i kanë dhënë fund të gjitha aludimeve dhe mosmarrëveshjeve që kishin brenda.
Ata kanë sqaruar çdo gjë dhe të gjitha situatat e deklaratat që u bënë në këtë program. /Telegrafi/