Një ngjarje e rëndë është raportuar të ketë ndodhur në Cesiomaggiore të Italisë teksa një vajzë 15-vjeçare ka humbur jetën tragjikisht pasi është rrëzuar nga një shkëmb, ndërsa e plagosur rëndë ka mbetur shoqja e saj, gjithashtu 15 vjeç.
Sipas asaj që raportohet në mediat italiane, tre vajza, të gjitha të moshës 15-vjeçare, u ngjitën në një shkëmb të pjerrët në zonën e Busche për të bërë disa foto. Në një moment një gur i madh është shkëputur nga shpati dhe ka rënë mbi njërën prej tyre, duke shkaktuar dhe vdekjen tragjike të së miturës.
Ndërkohë njëra prej vajzave ka mbetur e lënduar rëndë, e cila ka pësuar disa thyerje në trup ndërsa e mitura tjetër fatmirësisht ka shpëtuar pa lëndime.
Sakaq, autoritetet kanë kanë nisur hetimet për të zbardhur rrethanat e plota të rastit në fjalë, ndërsa është marrë dhe dëshmia e vajzave të pranishme.