Të paktën 71 persona kanë humbur jetën në një aksident të rëndë rrugor të regjistruar mbrëmjen e sotme në provincën Herat.
Një autobus që po transportonte emigrantë drejt Kabulit u përplas me një kamion dhe një motoçikletë. Për shkak të përplasjes së fortë autobusi shpërtheu në flakë duke djegur 71 persona, mes tyre 17 fëmijë.
Shkaqet e sakta të aksidentit nuk janë bërë ende të ditura, ndërsa është nisur një hetim.
Aksidentet rrugore në Afganistan janë të shpeshta për shkak të infrastrukturës së dobët rrugore dhe mosrespektimit të rregullave në masë.