Efi Dhedhes ka reaguar për herë të parë pas lajmeve që e lidhën me takime të supozuara në burgje.
Ish-banorja e “Big Brother VIP Albania” është përmendur në disa portale dhe komente në rrjet si një nga vajzat e shoubizit që, sipas zërave, ka pasur kontakte me të dënuar.
Për të sqaruar publikisht situatën, Efi ka publikuar një video në InstaStory, duke mohuar çdo lidhje me lajmet që kanë qarkulluar. Ajo thekson se nuk ka pasur asnjë lloj takimi të tillë dhe se pretendimet janë të pavërteta.
“Inicialet e mia janë I.Dh dhe jo E.Dh,” thotë ajo në reagimin e saj, duke shtuar se edhe ajo është një njeri me ndjenja dhe se ky lloj sulmi nuk duhet normalizuar.
Efi i kërkon autoriteteve që të ndërhyjnë për të ndaluar përhapjen e informacioneve të rreme dhe të merren masa ndaj atyre që shpifin në publik. Ajo e quan të padrejtë që përfshihet në lajme pa asnjë fakt dhe thekson se nuk ka asnjë lidhje me personat që përmenden në to.