Një ndër çiftet më të komentuara të edicionit që lamë pas të Big Brother Vip Albania ka qenë padyshim Jozefin Marku dhe Loredana Brati.
Ndarje, pajtime, puthje, lot, ngritje zëri e bashkime, kështu ka qenë marrëdhënia e tyre brenda shtëpisë më të famshme në Shqipëri. Por, ndonëse ky reality show ka javë që ka përfunduar, kurioziteti i ndjekësve është i madh, se çfarë po ndodh në të vërtetë mes dyshes.
Ndonëse, ashtu si Lori, edhe Jozi kanë deklaruar në daljet e tyre televizive se e kanë lënë marrëdhënien e tyre “të rrjedhë vetë”, fansat thonë se çifti janë bashkë dhe po shijojnë dashurinë e tyre larg mediave dhe kamerave të telefonave.
Së fundmi, një video është duke bërë namin në rrjetet sociale. Në pamjet e publikuara Jozi shihet teksa po performonte në një nga club-et e kryeqytetit, kur në një moment, një vajzë shkëputet nga tavolina e saj dhe ngjitet në skenë për të përqafuar këngëtarin.
Ata shkëmbejnë një përqafim të ngrohtë, ndërkohë që dhe disa fjalë me njëri-tjetrin. Disa thonë se vajza në fjalë ishte pikërisht Lori, por disa të tjerë aludojnë se ajo ishte thjesht një fanse e Jozit!
Duke qenë se në pamje vajza “misterioze” nuk shihet qartë dhe nuk kuptohet se kush mund të jetë, adhuruesit e çiftit të Big Brother Vip janë të ndarë në dysh!