Debati mes Gjestit dhe Eglit ka vazhduar edhe pas momentit të përplasjes.
Pas fjalëve të forta dhe tensioneve, Gjesti duket se është qetësuar dhe i kërkoi Eglit që ta presë, duke i shprehur dëshirën për të pasur një mundësi për të biseduar më shumë.
Egli, nga ana e saj, i tha se ndjenjat po fillonin t’i ftoheshin dhe se po ndiente gjithnjë e më pak afrim me të.
Ajo e shprehu shqetësimin se nuk mund të vazhdonte me një ndjenjë të tillë, duke nënkuptuar se po largoheshin emocionalisht.
Gjesti reagoi duke e pyetur Eglin pse ajo duhet të ndrydhë ndjenjat e saj, duke theksuar se ajo do të dilte keq nëse vepronte kështu.
Ai shtoi se, sipas tij, Egli duhet të lejojë vetveten të ndiejë dhe të veprojë sipas asaj që ndien.
Në përgjigje, Egli theksoi se respekti për veten është më i rëndësishëm dhe se është e natyrshme që të ndrydhë ndjenjat kur nuk merr të njëjtën gjë nga Gjesti, duke e quajtur manipulues.
Ajo e shprehu se nuk mund të vazhdonte të ndiente po aq, nëse nuk ka një reciprocitet të ndjenjave. /Telegrafi/