Zjarret në Delvinë tashmë kanë dalë jashtë kontrolli. Situata vijon të paraqitet alarmante pas rrezikut që i kanoset tokave bujqësore e banesave në fshatrat përreth.
Ndërkohë pamje të trishta janë publikuar nga Delvina ku shihet një tufë me bagëti të bllokuar nga zjarri në kullota.
Flakët në Delvinë deri më tani kanë dëmtuar 11 banesa, disa plotësisht e disa pjesërisht ndërsa janë evakuuar rreth 2000 banorë të zonës. Në vendngjarje ndodhen ekipet e zjarrfikëses të ndihmuar nga policia, të cilët po punojnë për shuarjen e vatrave aktive.