Nis romanca mes Rizarta Hoxhës dhe Arbërit? Fotoja që ndezi thashethemet

Jeta private e Rizarta Hoxhës është bërë temë diskutimi pas një shkrepjeje që po qarkullon së fundmi në internet.

Gazetari Elton Tozaj ka zgjedhur të ndajë një imazh në InstaStory, ku shfaqen një vajzë dhe një djalë teksa ecin së bashku, duke i shoqëruar me përshkrimin: “Në një lidhje Rizarta Hoxha dhe Arbër Çepani?” Përmes këtij postimi, aludohet se protagonistët e fotos janë Rizarta Hoxha dhe Arbër Çepani, personazh i njohur për publikun shqiptar përmes pjesëmarrjes së tij në “Big Brother”.

Edhe pse dyshja duket duke ecur krah për krah me valixhe në dorë, ky imazh i vetëm nuk përbën një dëshmi të mjaftueshme për të vërtetuar ndonjë lidhje romantike mes tyre.

Gjithsesi, kjo pamje ka nxitur mjaft kureshtje dhe pikëpyetje, duke lënë vend për spekulime nëse bëhet fjalë për një udhëtim miqësor apo nëse mes tyre ka nisur një histori dashurie.

Deri tani, të dy të përfshirit, si Rizarta Hoxha ashtu edhe Arbër Çepani, ende nuk kanë dhënë ndonjë prononcim apo konfirmim zyrtar lidhur me këto zëra.