Një ngjarje e rëndë ka ndodhur në qytetin e Durrësit, ku ka humbur jetën në klinikën “Villa Alba”, gruaja 54-vjeçare.
Sipas njoftimit të policisë, mësohet se mjeku 59-vjeçar Ilir Shani, i cili ka kryer operacionin e 54-vjeçares M.Xh është duke u proceduar në gjendje të lirë, pasi është i akuzuar për veprën penale “Neglizhenca në trajtimin mjekësor”.
Policia është duke punuar për zbardhjen e plotë të rrethanave.
“Referuan materialet në Prokurori, ku nisi procedimi në gjendje të lirë për veprën “Neglizhenca në trajtimin mjekësor”, për shtetasin I. Sh., 59 vjeç, banues në Durrës, me detyrë mjek, pasi në klinikën e tij, ka humbur jetën gjatë një ndërhyrjeje kirurgjikale, shtetasja M. Xh., 54 vjeçe, banuese në Durrës”, thuhet në njoftimin e policisë.