Spektakli më jetëgjatë i humorit në Shqipëri, “Portokalli”, ka nisur sezonin e tij të 42-të, duke shënuar një tjetër kapitull në historinë 20-vjeçare të këtij emisioni të dashur për publikun.
Krahas aktorëve të njohur që kanë qenë shtylla e suksesit të “Portokalli”-s ndër vite, këtë sezon shfaqen edhe fytyra të reja dhe personazhe të freskëta, të cilët premtojnë energji të reja, situata komike dhe histori që do të bëhen pjesë e çdo shtëpie shqiptare, brenda dhe jashtë vendit.
Një nga momentet më të veçanta të kësaj jave do të jetë rikthimi i Bes Kallakut në skenën që e bëri të njohur.
Aktori i shumëdashur i humorit do të jetë i ftuari special i episodit, duke sjellë emocione dhe nostalgji për publikun që e ka ndjekur që në hapat e parë.