Arrat njihen prej kohësh për përfitimet e tyre ushqyese, që nga përmirësimi i shëndetit
kardiovaskular deri te luftimi i inflamacionit dhe madje edhe janë të njohura në menaxhimin e peshës. Ja një përmbledhje e arsyes pse arrat konsiderohen si një superushqim që nxit trurin:
1. Superushqim për shëndetin kognitiv/njohës
Frutat e thata arrore janë plot me lëndë ushqyese thelbësore si yndyrna të shëndetshme, antioksidantë dhe polifenole. Acidet e tyre yndyrore omega-3 dhe omega-6, së bashku me magnezin dhe vitaminat B, janë treguar se reduktojnë inflamacionin dhe stresin oksidativ – dy faktorë kyç në sëmundjet neurodegjenerative si Alzheimer.
2. Ulja e rrezikut të demencës
Studimet kanë zbuluar se individët që konsumonin frutat arrore çdo ditë kishin një rrezik 12% më të ulët të zhvillimit të demencës në krahasim me jokonsumatorët.
3. Promovimi i mbijetesës pa aftësi të kufizuara
Një studim i veçantë nga Universiteti Monash theksoi lidhjen midis konsumit të arrave dhe mbijetesës pa aftësi të kufizuara në jetë. Pra konsumatorët e rregullt të arroreve kishin më shumë gjasa të jetonin më gjatë, të lirë nga disa kushte dobësuese.
4. Përfitimet ushqyese të arrave
Arrat janë burime të rëndësishme energjie të pasura me lëndë ushqyese. Një porcion i vetëm (rreth 30 gram) përmban : Rreth 135 kalori, Proteina 11 gram, 9 gram yndyrna të shëndetshme dhe Kolesterol minimal nese janë të pakripura
Arrat, Kampionet e aftësisë njohëse
Studimet sugjerojnë se arrat mund të ndihmojnë në ruajtjen e performancës njohëse tek të moshuarit, duke i bërë ato një opsion veçanërisht premtues për parandalimin e demencës.