Një mesazh i papritur erdhi në shtëpinë e Big Brother Vip Albania.
Ka qenë një përshëndetje për Gjestin në emër të futbollistit të Kombëtares shqiptare, Armando Brojës, që entuziazmoi jo pak shtëpinë.
“Gjesti na kënaqe o vëlla, veç për ty po e shikoj këtë Big. Të presim me fitore. Loja ka puls edhe dashuria, por ti nuk do të nxjerrësh djalin e dashuruar. Nuk është turp, vëlla. Nuk ka më bukur se dashuria”, lexohej në mesazhin që erdhi me emrin e Armando Brojës.
Të gjithë sapo lexuan emrin e futbollistit filluan të brohorasin, por ndryshe nga të tjerët Gjesti reagoi në një mënyrë e cila habiti jo pak banorët dhe ndjekësit jashtë shtëpisë.
Këngëtari i hutuar pyeti se kush është Armando Broja. Ka qenë Laerti ai i cili ia shpjegoi, ndërkohë që Gjesti vazhdoi duke thënë që nuk e njeh, pasi nuk sheh futboll.
Gjesti: Kush është?
Laerti: Është futbollist i kombëtares, lexo.
Rozana: Armando Broja o njeri!
Gjesti: Hej bro, unë s’e di, s’jam i informuar për futbollin këtu.