Vajza e Ardit Gjebreas, Ana, ka bërë një debutim të veçantë në skenën e “Kënga Magjike”, jo si konkurrente por si prezantuese krah babait të saj.
Një moment që për të dhe familjen ka qenë padyshim emocional, sepse rrallë ndodh që ëndrrat të marrin jetë kaq natyrshëm përkrah një figure të dashur.
Ana vetë u shpreh se kjo ishte një magji e dyfishtë, sepse ndan skenën me babin e saj, një ikonë të televizionit shqiptar.
Por ky hap ka ndezur një debat të gjerë. Në rrjete sociale nuk munguan kritikat për atë që shumë e quajnë familjarizëm dhe mundësi të ofruara pa meritë.
Komentues të shumtë e shohin këtë si shembull të faktit se televizioni shpesh hap dyer për fëmijët e figurave publike, duke u mbyllur rrugën talenteve të rinj që nuk kanë të njëjtat privilegje. Në vend që të krijohen hapësira të reja, sipas tyre, ekrani po shndërrohet në një “trashëgimi familjare”.
Megjithatë, pati edhe zëra që e përshëndetën momentin duke e cilësuar magjik dhe frymëzues.
Për ta, emocionet që vijnë nga një lidhje e tillë babë–bijë në skenë nuk mund të maten me asgjë tjetër dhe duartrokitjet janë të merituara për guximin e Anës për të dalë në një skenë kaq të madhe.
Debutimi i saj vë përballë dy realitete: një skenë që ndriçohet nga dashuria familjare dhe një tjetër që ngjall pyetje mbi drejtësinë e mundësive në televizion. /Prive