Një ngjarje e rëndë ka tronditur Fierin. Kreshnik Tomai, 35 vjeç, ndërroi jetë pas 10 ditësh në koma në Spitalin e Traumës, pasi u përplas nga një 17-vjeçar me “Range Rover” më 24 gusht.
Për publikun, Kreshniku ishte i njohur si babai i Nikitës, vogëlushes 10-vjeçare që ka fituar zemrat e shqiptarëve me zërin e saj dhe ëndrrën për t’u bërë këngëtare.
Ai ishte shfaqur disa herë në studio televizive, duke theksuar se do të ishte gjithmonë mbështetja më e madhe e së bijës.
Lajmi i ndarjes nga jeta të Kreshnikut ka ngjallur dhimbje të madhe, sidomos te ata që e njihnin si njeriun që jetën ia kishte kushtuar familjes dhe ëndrrës së vajzës së tij.