Gjatë qëndrimit të saj në shtëpinë e “Big Brother VIP Albania”, Egli Tako ka ndarë me banorët se këngëtari Gjesti i kujton ish-partnerin e saj, Olsi Bylyku.
Ajo ka theksuar ngjashmëritë mes tyre në mendime dhe karakter, duke thënë: “Më kthen shumë pas në kohë Gjesti, po më kujton Olsin… Janë shumë të ngjashëm me mendimet, me tipin. Kur flasim seriozisht po më tremb. Më bën shumë për të qeshur dhe njerëzit që bëjnë për të qeshur janë të rrezikshëm.”
Këto komente kanë ngjallur reagimin e Olsi Bylykut, i cili mbrëmjen e djeshme publikoi këngën e tij më të re, ku në tekst shprehet: “Jo nuk jena njësoj, prandaj e kam ndru kmishën. Jo nuk jena njësoj, prandaj e kam lshu bishën…”. Gjithashtu edhe titulli i projektit të tij të ri muzikor quhet “Njësoj”.
Ky varg është interpretuar nga fansat si një përgjigje ndaj deklaratave të Eglit, duke nënkuptuar se ai nuk pajtohet me krahasimin mes tij dhe Gjestit.