Një lajm i trishtë ka mbërritur ka mbërritur në redaksinë e JOQ Albania, ku është konfirmuar zyrtarisht se 26-vjeçari nga Shkodra, Igli Laceja, që rezultonte i zhdukur prej disa ditësh, është gjetur fatkeqësisht i pajetë në ujërat e Liqenit të Shkodrës.
Trupi i tij u zbulua nga peshkatarët pasditen e sotme rreth orës 18:40, ndërsa sipas njoftimit zyrtar të Policisë, ai është gjetur pa shenja dhune.
Paraprakisht dyshohet se i ndjeri vuante nga depresioni, por grupi hetimor po vijon punën për të zbardhur plotësisht rrethanat e kësaj ngjarjeje të rëndë.
JOQ Albania publikoi dy ditë më parë denoncimin e familjes, e cila kishte humbur kontaktet me Iglin dhe bënte apel për ndihmë në gjetjen e tij. Për herë të fundit ai ishte parë në zonën e Perashit në Shkodër.
Redaksia jonë i shpreh ngushëllimet më të sinqerta familjarëve, të afërmve dhe miqve të 26-vjeçarit.
Fatkeqësisht, Shqipëria po humbet gjithnjë e më shumë të rinj në mënyrë tragjike, shpesh për shkak të luftës së heshtur me shëndetin mendor, një temë që vazhdon të mbetet tabu në shoqërinë tonë.