Lumi B, një prej reperëve më të suksesshëm në skenën muzikore shqiptare, dhe bashkëshortja e tij, Miranda, janë prej kohësh një ndër çiftet më të dashur për publikun.
Por së fundmi, burime pranë emisionit Prive raportojnë se marrëdhënia e tyre po kalon një periudhë të vështirë.
Sipas informacioneve, dyshja nuk jetojnë më nën të njëjtën çati. Lumi B është zhvendosur në shtëpinë e prindërve të tij, ndërsa Miranda ka qëndruar në banesën e tyre familjare.
Situata ka ngritur spekulime mbi të ardhmen e çiftit, megjithëse ende nuk ka një konfirmim të qartë nëse bëhet fjalë për një konflikt të momentit apo për një shkëputje më serioze.
Pavarësisht krizës së përfolur, çifti janë prindër të dy fëmijëve dhe janë përpjekur ta mbajnë jetën e tyre private larg vëmendjes mediatike.
Kujtojmë se lidhja e tyre ka qenë shpeshherë shembull për stabilitet dhe dashuri, çka e bën këtë lajm edhe më të papritur për fansat.
Deri më tani, Lumi B dhe Miranda nuk kanë reaguar publikisht për këto lajme, duke lënë gjithçka të hapur për interpretim. Publiku mbetet në pritje të ndonjë sqarimi nga ana e tyre, ndërsa fansat shpresojnë që kriza të jetë kalimtare.