Një fëmijë i moshës 2-vjeçare është dërguar për ndihmë mjekësore drejt Spitalit të Traumës në Tiranë për të marrë ndihmë mjekësore pasi u rrëzua në këndin e lojërave.
Rasti ka ndodhur mbrëmjen e djeshme rreth orës 22:00 në Shëngjin. Fillimisht fëmija është dërguar nga familjarët në spitalin e Lezhës, ndërsa më pas është dërguar tek Trauma në Tiranë ndërsa ndodhet jashtë rreziku për jetën.
Njoftimi i policisë:
Shëngjin/Informacion paraprak
Më datë 30.07.2025, rreth orës 22:00, në spitalin e Lezhës, është dërguar nga familjarët, për mjekim, një fëmijë 2 vjeç. Sipas deklarimeve të familjarëve, fëmija është rrëzuar në një kënd lojërash, në ambientet e një kompleksi pushimi, në Shëngjin. 2-vjeçari është transportuar për ndihmë mjekësore në Spitalin e Traumës dhe është jashtë rrezikut për jetën.
Po punohet për verifikimin e rrethanave të rastit.