Edhe pse u kritikua për praninë e saj në dasmën e Gjestit dhe Eglit,
Loredana vendosi ta sqarojë publikisht arsyen e këtij vendimi, duke thënë se donte të tregonte një anë tjetër të saj, atë të “Lorit zemërbardhë”.
Por së fundmi, disa pamje që po bëjnë xhiron e rrjetit po hedhin dyshime të tjera rreth qëllimit të saj të vërtetë.
Në video shihet Laerti, i cili e lag disa herë me shampanjë Gjestin nga afër, madje edhe në fytyrë.
Menjëherë më pas, edhe Loredana afrohet me të njëjtin qëllim, por ndërhyrja e befasishme e ish-banorit Xeni ndalon gjithçka.
Xeni e ndalon me forcë Loredanën, duke mos lejuar që ajo të veprojë më tej.
Ky moment është komentuar gjerësisht, pasi ngjan me një “hakmarrje të heshtur” ndaj Gjestit, pas sjelljes që ky i fundit kishte në dasmën e Loredanës dhe Jozit më parë brenda shtëpisë.
Kujtojmë se Gerta Gixhari u përjashtua njëherë nga gara për një veprim të ngjashëm, pasi u konsiderua si akt i rëndë.
Edhe pse në rastin e Loredanës nuk mund të ketë zarf të zi pasi ajo është tashmë e eliminuar, veprimi i saj ka hapur rrugë për shumë aludime në rrjet.