Alba Pollozhani dhe Lim Hoti, dy nga personazhet më të komentuara të “Ferma VIP 2”,
vazhdojnë të jenë në qendër të vëmendjes edhe pas largimit të tyre nga reality show.
Spekulimet mbi marrëdhënien e tyre kanë qarkulluar në rrjetet sociale, ku fansat pyesnin nëse çifti ishte ende bashkë apo jo.
Megjithatë, thashethemet mbrëmjen e djeshme morën fund, gjatë transmetimit të emisionit “Ferma VIP”. Teksa diskutohej për ecurinë e lojës, moderatorja Luana Vjollca i drejtoi një pyetje të drejtpërdrejtë Albës, nëse Limi e lejonte të ndjekë programin.
Me një buzëqeshje dhe me një qëndrim të qetë, Alba u përgjigjë, “po, e ndjekim bashkë”, duke lënë të kuptohet se ata janë ende bashkë.
Pjesë nga biseda:
Luana Vjollca: Të ka lënë Limi kohë të shohësh fermën?
Alba: Nuk është se na ngelet dhe shumë kohë, por mundohemi.
Luana Vjollca: Kjo do të thotë që ata janë ende bashkë.
Alba: Po, e ndjekim bashkë.