Ish-banori i “Big Brother VIP Albania”, Liam Mandiaro, ka hedhur dyshime serioze mbi rregullsinë dhe transparencën e formatit.
Ai deklaroi se gjatë qëndrimit në shtëpi ka vërejtur elementë që sipas tij cenojnë ndershmërinë e lojës.
“Fituesja ka pasur telefon në dhomën e rrëfimit dhe fliste me familjen,” u shpreh ai, duke shtuar se kjo krijon një avantazh të padrejtë ndaj pjesëmarrësve të tjerë, të cilët kanë qëndruar në izolim të plotë.
Megjithëse nuk përmendi emra konkretë, përdorimi i fjalës “fituesja” i ka bërë ndjekësit të aludojnë se ai i referohet Egla Cenos, fitueses së edicionit të fundit të BBVA.
Më tej, Liami shtoi se ka parë tabela me udhëzime në dhomën e rrëfimit, për të cilat iu tha se “nuk janë për të”, duke ngritur edhe më shumë dyshime mbi ndërhyrjet e mundshme në rrjedhën e lojës.
“Ka pasur favorizime që kanë ndikuar drejtpërdrejt në rezultatin final,” tha ai.
View this post on Instagram