Një aksident tragjik ka ndodhur rreth orës 18:35 në aksin rrugor “Berat-Dimal”, në Moravë.
Shtetasi A.T., 25 vjeç, duke drejtuar automjetin e tij ka përplasur shtetasen L. Gj., 30 vjeçe, dhe fëmijën e saj 2 vjeç, të cilët ishin këmbësorë.
Si pasojë e aksidentit, L. Gj. ka ndërruar jetë për shkak të plagëve të marra, ndërsa fëmija i saj ka shpëtuar dhe nuk ka probleme për jetën.
Drejtuesi i automjetit është shoqëruar në ambientet e Policisë për hetime të mëtejshme.
Grupi hetimor është në vendngjarje dhe po punon për të zbardhur shkaqet e aksidentit.