Një aksident rrugor ka ndodhur mbrëmjen e sotme në rrugën që lidh fshatin Jagodinë me fshatin Bujqës në Elbasan,
ku dy adoleshentë, të moshës 14 dhe 16 vjeç, janë plagosur pasi biçikleta me të cilën udhëtonin u godit nga një makinë.
Sipas informacioneve nga vendngjarja, një automjet tip Fiat me targa AB395HL ka përplasur biçikletën, duke shkaktuar daljen e të rinjve jashtë rruge. Dy adoleshentët u dërguan me urgjencë në repartin e kirurgjisë në Spitalin Rajonal të Elbasanit, ku janë duke marrë trajtim mjekësor.
Dy të rinjtë ndodhen jashtë rrezikut për jetën. Njëri prej tyre ka pësuar dëmtime të lehta, ndërsa tjetri ka marrë plagë më serioze, por gjendja e tij është e stabilizuar.