Një aksident i rëndë ka ndodhur pasditen e sotme në Durrës ku një kamion ka përplasur një person që po lëvizte me motor.
Aksidenti ka ndodhur pranë mbikalimit të urës së Dajlanit në Durrës. Mësohet se personi i lënduar është i moshës 48-vjeçare, ndërsa është transportuar me urgjencë në Spitalin Rajonal të Durrësit dhe ndodhet në gjendje të rëndë shëndetësore.
Policia ka mbërritur në vendngjarje dhe ka nisur hetimet për të përcaktuar shkaqet dhe rrethanat e aksidentit.