Një aksident i rëndë është regjistruar në rrugën dytësore të autostradës Tiranë–Durrës, pranë një qendre tregtare, ku një motorrist ka mbetur i plagosur pas përplasjes me një taksi.
Sipas videos së publikuar nga JOQ, taksia po dilte nga qendra tregtare dhe është futur në rrugë pa u siguruar në anën e djathtë, duke mos parë motorin që po lëvizte në drejtim të Tiranës.
Përplasja ka qenë e fortë, duke e hedhur motorristin në ajër, ndërsa dëmet në automjet dhe motor janë të dukshme.
Kjo ngjarje është një kujtesë për të gjithë drejtuesit e mjeteve që të respektojnë rregullat e qarkullimit dhe të tregojnë kujdes të vazhdueshëm në çdo rrugë, për të shmangur aksidente që mund të kenë pasoja të rënda.