Një aksident i rëndë me pasojë plagosjen e një të mituri 10-vjeçar ka ndodhur pasditen e kësaj të marte në Lezhë.
Burime bëjnë me dije se i mituri është dërguar me urgjencë drejt Spitalit të Traumës në Tiranë për ndihmë mjekësore.
Policia ka shoqëruar në komisariat drejtuesin e mjetit tip “Ford” që përplasi të miturin në rrugën e Myltës në Lezhë.
Shkaqet dhe rrethanat e aksidentit janë ende të paqarta ndërsa grupi hetimor ndodhet në vendngjarje për të zbardhur ngjarjen.