Dita e sotme ka patur shumë dinamika në shtëpinë më të famshme në Shqipëri, “Big Brother VIP 4”.
Pas përjashtimit të Jozit nga gara, kanë nisur debatet e shumta mes banorëve.
Por jo vetëm kaq, pasi sot është zgjedhur edhe lideri i ri i shtëpisë. Në shtëpi ka hyrë një zarf i bardhë, në të cilin thuhej se banori që zgjidhet lider ka një rol të rëndësishëm në spektaklin e së martës.
“Banorë, është momenti që të zgjidhni liderin e shtëpisë. Secili prej jush me radhë duhet të japë një emër dhe një arsye për banorin që zgjedh si lider. Këtë rol e fiton ai ose ajo që ka më shumë vota. Kujdes! Lideri do të ketë një rol shumë të rëndësishëm në prime-n e ditës së martë”, thuhet në zarfin që Vëllai i Madh ka futur në shtëpinë e “Big Brother VIP 4”.
Jozi u përjashtua nga “Big Brother VIP 4”, Loredana dhe Valbona shpërthejnë në lot
Banorët votuan me radhë duke thënë një emër dhe një arsye dhe me shumicë votash lider u zgjodh Laerti. Tashmë të gjithë janë kuriozë të dinë se çfarë roli do të ketë ai të martën në mbrëmje gjatë spektaklit.