Çifti i njohur Ana dhe Kevin kanë arritur një tjetër sukses, këtë herë jashtë ekranit.
Javë më parë, ata lansuan lojën “Unë dhe Ti”, një set kartash me pyetje të menduara posaçërisht për çiftet, që synojnë të forcojnë komunikimin dhe lidhjen emocionale mes partnerëve.
Interesimi për produktin ka qenë i jashtëzakonshëm. Vetëm pak javë pas hedhjes në treg, kartat janë “out of stock”, duke u shitur në kohë rekord.
Kjo ka treguar jo vetëm popullaritetin e çiftit, por edhe faktin se ideja e tyre ka prekur shumë zemra dhe ka zgjuar kureshtjen e çifteve të reja dhe atyre me përvojë.
Përmes një reagimi në rrjete sociale, Ana dhe Kevini falënderuan ndjekësit për interesimin dhe premtuan se shumë shpejt do të sjellin lojëra të tjera kreative në dispozicion.
Ky sukses është pritur me entuziazëm nga fansat, të cilët kanë mbushur rrjetet sociale me urime dhe pyetje për lançimet e ardhshme të çiftit. /Prive By Liberta Spahiu