Moderatorja e njohur sportive, Eva Murati, e cila ka qenë në një lidhje disavjeçare me Genar Topallin, djalin e ish-kryeparlamentares Jozefina Topalli, duket se ende s’e ka harruar ish-partnerin e saj.
Teksa dasma e Genarit me moderatoren tjetër sportive, Cindy Marina në Romë bëri bujë në mediat
sociale dhe u cilësua si “përrallore”, Eva Murati ka “shpërthyer” në Tik Tok pas një komenti që mori në një prej videove të saj të publikuara së fundimi.
“Pra, po përpiqesh të na thuash që nuk e doje atë dasmë përrallore dhe një djalë të pashëm e të pasur. Gjithsesi kjo nuk është më pak në botën time”, iu drejtua një përdorues i medias sociale.
“Nuk dua që miliona shqiptarë të më urojnë vdekjen sepse po mburrem me para që mund të jenë të vjedhura nga fondet publike. E di që më përndjek çdo ditë, por ta bësh këtë një ditë pas dasmës tënde është më shumë se patetike”, iu përgjigj prezantuesja, koment i cili tashmë është fshirë.
Genar Topalli, djali i ish-kryetares së Kuvendit Jozefina Topalli, ka kurorëzuar dashurinë e tij me partneren Cindy Marina, në një ceremoni të veçantë në Romë, më 13 shtator 2025.
Çifti mori gjithashtu bekimin e Papës, një moment që e bëri edhe më të veçantë këtë ngjarje për ta.
“Sot, në Romë, zemra jonë rreh më fort se kurrë”, shkroi Genar Topalli në një postim në rrjete sociale, ku ndau emocionet. “Me Cindyn pranë meje, ndihem njeriu më me fat në botë.”
Në praninë e familjarëve dhe miqve të ngushtë, Genar Topalli publikoi edhe foto me miq dhe familjare, duke shënuar nisjen e një kapitulli të ri për çiftin.
Lidhja me Eva Muratin
Djali i sh-kryeparlamentares, Jozefina Topalli vite më parë ka pasur një lidhje të gjatë me Eva Muratin.
Por tashmë kjo histori ka mbetur pas dhe Genari ka celebruar dashurinë në martesë me Cindy Marina.
Të dyja vajzat, kanë edhe profesionin e përbashkët. Nga pasarelat, tashmë bukuroshet janë pjesë e medias sportive.
Ndërkohë Eva Murati kur është njohur me Genarin ishte vetëm 15 vjeçe, por ish-çifti u ndanë për arsye ende të paqarta.
Ata qëndruan në një marrëdhënie prej 6 vitesh, duke i dhënë fund lidhjes pa shumë bujë.
Vetë moderatorja ka folur për këtë marrëdhënie: “Kur lidhja ime u bë publike ishim shumë të vegjël. Kjo situatë mbase më rrëshkiti nga duart. Unë mendoj se është abuzuar me mua në këtë pjesë”, u shpreh Eva.
“Ka ende njerëz që më kanë përmendur emrin e zonjës Topalli. Kush nuk më ka ndjekur vijojnë ende. Unë ja kam dal vet kudo, kam punuar që 18 vjeçe, s’kam marrë asgjë gati. Ka plot vajza në ekran që janë rastesisht aty, unë jo”, shtoi moderatorja.
“Unë jam e hapur për lidhjen time, se s’kam asgjë për të fshehur në lidhje me të. S’kam bërë asnjë turp, asnjë gabim. Kam një lidhje të gjatë 6-vjeçare me bashkëmoshatarin tim. Por, shqetësohem pak se mediat e kanë keqpërdorur disi pjesën e lidhjes sime. Pra, në aspektin e fokusimit vetëm në këtë dhe jo në lidhje me aftësitë e mia apo projektet që kam realizuar”, shprehej Eva.