Pas 4 vitesh në luftë për jetën, e vogla Belen Rreshka ka mbyllur sytë përgjithmonë në spitalin Spitalin Papa Giovanni XXIII në Bergamo ku qëndronte e shtruar që prej datë 10 shtator 2021.
Kanë kaluar plot 4 vite nga aksidenti fatal që i kushtoi në atë kohë, 2-vjeçares Belen jetën. Familja shqiptare prej vitesh jetonin në Via Adua në Verdello të Italisë kur në mesditë ajo po ecte përkrah të ëmës, e cila po shtynte karrocën e vëllait të vogël.
Në një moment Belen vetëm 2 vjeç, zbret papritur nga trotuari dhe përplaset nga një automjet që i erdhi përballë. Ajo përplasi kokën fort pas një shtylle dhe ra në tokë. Që prej asaj kohe, Belen nuk ka mundur të rikuperohet më ndërsa të dielën zemra e saj pushoi së rrahuri përgjithmonë.
Homazhet në nder të Belen do të zhvillohen më 13 shtator në një shtëpi funerali në Via Dante Aligeri ndërsa një ditë më pas do të përcillet për në banesën e fundit