Aksident i rëndë është regjistruar mëngjesin e sotëm në aksin rrugor Lin-Pogradec, ku një makinë ka përplasur një të moshuar dhe një vajzë të vogël, të dyja këmbësore.
Gjyshja me mbesën ishin duke kaluar rrugën nga njëri krah në tjetrin kur makina i ka “marrë” përpara.
Mësohet se e moshuara ka marrë dëmtime të shumta dhe është transportuar në spitalin e Pogradecit, në gjendje të rëndë.
Aktualisht më vendngjarje ka mbërritur grupi hetimor dhe po merret me zbardhjen e shkaqeve të aksidentit.