Teksa lajmet për jetën personale të Xhensila Myrtezajt dhe raporti i saj me Ledri Vulën kanë dominuar rrjetet sociale, edhe Bes Kallaku duket se ka nisur një kapitull të ri.
Aktori, i cili tashmë është i divorcuar, ka zgjedhur të ecë përpara dhe, sipas burimeve për “Panorama”, ka nisur një lidhje të re.
Megjithatë, ndryshe nga marrëdhënia e kaluar që ishte në qendër të vëmendjes publike, këtë herë partnerja e Besit është jashtë botës së famshme.
Ai ka zgjedhur të ruajë privatësinë, pa ekspozuar asgjë nga jeta e tij sentimentale në rrjete sociale. Në postimet e fundit, Besi vazhdon të shpërndajë momente nga projektet artistike dhe jeta si prind, pa lënë asnjë gjurmë të lidhjes së re.
Nuk dihet nëse kjo marrëdhënie është diçka e konsoliduar apo thjesht një njohje e hershme, por duket se pas ndarjes nga Xhensila, Besi ka preferuar të mbajë larg syve të publikut çdo detaj personal.