Një ngjarje e rëndë ka ndodhur mbrëmjen e sotme në qytetin e Korçës,
ku një 40-vjeçar dyshohet se është vetëhedhur nga ballkoni i katit të pestë të pallatit ku banonte.
Ngjarja ka ndodhur rreth orës 18:50 në lagjen nr. 18, në rrugën “Petraq Shomo”. Menjëherë pas incidentit, i dëmtuari është transportuar në spital dhe ndodhet në gjendje të rëndë shëndetësore.
“Rreth orës 18:50, në lagjen nr. 18, në rrugën ‘Petraq Shomo’, shtetasi E. M., rreth 40 vjeç, dyshohet se është vetëhedhur nga ballkoni i katit të pestë të pallatit ku banon dhe ndodhet në gjendje të rëndë shëndetësore. Grupi hetimor vijon punën për zbardhjen e rrethanave të rastit.”, njofton policia.