Një 54-vjeçar është gjetur i pajetë në banesën e tij në fshatin Reç i Ri, Velipojë, Shkodër, ditën e djeshme.
Sipas njoftimit të policisë, viktima është identifikuar si shtetasi Gj. Sh., i cili dyshohet se ai ka ndërruar jetë si pasojë e një arresti kardiak.
‘Ditën e djeshme, në fshatin Reç i Ri, në Velipojë, në banesë e tij, është gjetur pa shenja jete, shtetasi Gj. Sh., 54 vjeç, i cili dyshohet se ka pësuar arrest kardiak.’, njofton policia.
Materialet procedurale janë referuar Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për kryerjen e veprimeve të mëtejshme hetimore.