Mbrëmja e djeshme në ekranin e Vizion Plus dhe Tring
ishte e mbushur me emocione dhe spektakël. Finalja e madhe e “Ferma VIP 2” u zhvillua në një event madhështor, plot surpriza dhe momente të paharrueshme.
Por surprizat nuk kanë munguar as në prapaskenë. Në një video të publikuar nga ish-fermerja Keisi, shfaqet një moment i pazakontë mes Kryeplakut Albano Bogdo dhe Elinarës, të cilët shkëmbejnë një puthje në buzë. Kjo skenë, që ka marrë vëmendjen e rrjeteve sociale, nuk është hera e parë që ndodh. Ajo është një përsëritje e një momenti të ngjashëm gjatë spektaklit dhe, sipas tyre, është pjesë e humorit dhe aktrimit që e ka shoqëruar edicionin.
Pas 24 javësh sfida, konkurrence dhe përjetimesh të forta, Big Basta u shpall fituesi i këtij edicioni, duke marrë kurorën e “Fermerit VIP” për vitin 2025. Në finale u përballën pesë konkurrentë: Andueli, Big Basta, Andrea dhe Big Mama, të cilët dhuruan emocione të forta deri në fund.
Spektakli i “Ferma VIP 2” u mbyll në një atmosferë festive, duke lënë pas një sezon të mbushur me të qeshura, përplasje, miqësi dhe surpriza që do të kujtohen gjatë nga publiku.