Një ngjarje e rëndë është regjistruar mbrëmjen e djeshme teksa një i mitur 6-vjeçar është gjetur i pajetë buzë lumit Shkumbin.
I mituri ishte denoncuar i humbur nga familjarët që prej ditës së djeshme rreh orës 19:50. Shërbimet e policisë nisën menjëherë kërkimet, ndërsa rreth orës 21:30 të mbrëmjes së djeshme kanë gjetur trupin e pajetë të 6-vjeçarit pranë lumit Shkumbin, konkretisht në lagjen “Çezme”.
Nga kqyrja paraprake në trupin e tij nuk janë konstatuar shenja dhune, por dyshohet se i mituri të jetë mbytur në lumë.
“Rreth orës 19:50 të datës 10.06.2025, ka njoftuar shtetasja D. A. se prej 3 orësh, kishte humbur nipi i saj 6-vjeçar. Menjëherë, shërbimet e Policisë kanë nisur kërkimet për gjetjen e të miturit dhe rreth orës 21:30, kanë gjetur trupin e pajetë të tij, buzë lumit Shkumbin, konkretisht në lagjen “Çezme”.
Gjatë këqyrjes paraprake të trupit të të miturit, nuk janë konstatuar shenja dhune dhe nga hetimet e deritanishme, dyshohet se ai është mbytur në lumë. Materialet procedurale iu referuan Prokurorisë së Elbasanit, me qëllim vlerësimin juridik të rastit.”