Reperi i njohur G-Bani ka reaguar pas shkrimit kritik
të publikuar nga Alketa Vejsiu në profilin e saj të podcast-it në Instagram, lidhur me deklaratën e bujshme të tij pak ditë më parë.
Në një seri videosh në InstaStory, ai sqaroi se nuk kishte si synim të ofendonte të gjitha gratë, por vetëm një grup të caktuar personash.
“Lexova shkrimin e Alketa Vejsiut te podcasti i saj, te profili i saj në Instagram… Alketa, nuk kam pse të përmend fjalën ‘grua’ në vend të fjalës ‘k*rvë’, se s’kam dashur t’u drejtohem grave. Kam dashur t’u drejtohem 2-3 k*rvave. Besoj se k*rvat nuk janë vetëm gratë, janë edhe meshkujt,” – u shpreh G-Bani mes të tjerash.
Deklarata e tij fillestare, e cila nisi me “Të nderuara kurva…”, shkaktoi një valë reagimesh në rrjet, përfshirë edhe përgjigjen publike të Alketa Vejsiut, e cila e cilësoi fjalorin e tij si problematik dhe thellësisht denigrues për figurën e gruas.
Vejsiu analizoi pikë për pikë çdo pjesë të deklaratës së reperit, duke e kritikuar për mungesë pjekurie emocionale, vetëjustifikim dhe përpjekje për të normalizuar sjellje toksike në emër të dashurisë.
Sipas saj, G-Bani nuk po kërkon një marrëdhënie të shëndetshme, por thjesht një lloj akomodimi për mangësitë dhe pasiguritë e tij personale.