Një aksident rrugor është regjistruar mesditën e sotme në aksin Himarë–Qeparo, ku janë përfshirë një motor dhe një automjet.
Sipas burimeve paraprake, dy shtetas të huaj që po udhëtonin me motor janë përplasur me një makinë. Si pasojë e përplasjes, të huajt janë rrëzuar dhe kanë pësuar lëndime të rënda në trup.
Menjëherë pas ngjarjes, në vendngjarje kanë mbërritur forcat e Policisë së Himarës dhe ambulancat, të cilat kanë transportuar të plagosurit drejt Spitalit të Sarandës. Turistja austriake F. P., ka ndërruar jetë drejt transportimit për në spital.
Policia ka nisur hetimet dhe po merr në pyetje drejtuesin e automjetit për të zbardhur shkaqet e aksidentit.
Himarë/Informacion shtesë
Në vijim të informacionit paraprak të dhënë për aksidentin e ndodhur, në aksin rrugor “Himarë-Borsh”, ju informojmë se, sipas konfirmimit nga personeli mjekësor, si pasojë e dëmtimeve të marra ka ndërruar jetë pasagjerja në motomjetin që drejtohej nga shtetasi austriak F. P.
Grupi hetimor, po punon për identifikimin e viktimës dhe zbardhjen e plotë të rrethanave të aksidentit.