Një aksident me vdekje ka ndodhur pak më parë në Tiranë në vendin e quajtur “Shkalla e Tujanit”.
Dy automjete janë përplasur me njëri-tjetrin dhe për pasojë ka humbur jetën një 29-vjeçar, ndërsa i plagosur ka mbetur dhe pasagjeri, 25-vjeç.
Tiranë/Informacion paraprak
Rreth orës 16:55, në vendin e quajtur “Shkalla e Tujanit” automjeti me drejtues shtetasin O. N., rreth 35 vjeç është përplasur me automjetin me drejtues shtetasin M. Sh., rreth 29 vjeç.
Si pasojë ka humbur jetën 29-vjeçari, si dhe është dëmtuar pasagjeri po në këtë automjet shtetasi H. L., rreth 25 vjeç, i cili ndodhet në spital, nën kujdesin e mjekëve.
Grupi hetimor ndodhet në vendngjarje dhe po punon për sqarimin e rrethanave të aksidentit.