Në lidhje me videon virale që ka qarkulluar me Rizartën, Aldo u shpreh se…
I ftuar sot në emisionin “Big Brother VIP Fan Club” ka qenë Aldo Marku. Ish-banori përfundoi rrugëtimin e tij mbrëmjen e kaluar pas një televotimi të hapur gjatë ‘Prime’-t. Rikujtojmë se ai u rikthye me biletën e kthimit javën e kaluar. Aldo rrëfeu me detaje gjithçka nga rrugëtimi i tij, eksperienca, loja, strategjia dhe jo vetëm kaq
Heidi e pyeti se cila është gjëja më e çuditshme që Aldo ka dëgjuar ose lexuar për veten pas daljes nga shtëpia e BBV?
E para ishte kjo që nuk jemi ndarë kurrë me ish-bashkëshorten.
Në lidhje me videon virale që ka qarkulluar me Rizartën, Aldo u shpreh se nuk e kishte parë ende por që nuk ka shanse që t’i ketë kërkuar diçka të atillë.
Aldo: Nuk ka shanse, asgjë të asaj natyre. Ajo është vajzë që merret me palestër…
Heidi: Për muskujt e barkut folëm ne.
Aldo: Ekzakt. Asgjë mes e poshtë nuk ka shanse. Jo, Jo.
Rikujtojmë se edhe Rizarta në intervitën në “Big Brother Radio” në lidhje me këtë u shpreh se:
Kemi qenë para se të flinim, ka qenë për muskujt e barkut vërtet dhe më vjen edhe turp që të flas për këtë video por duhen shpjeguar patjetër. Më vjen turp të flas dhe gjëja e fundit që do të mendoja që mund të bëhej virale do të ishte pikërisht kjo video. Ushtroheshim gjithmonë dhe kishim këtë merakun e muskujve dhe bënim shaka me njëri – tjetrin se sa muskuj kemi humbur apo a jemi akoma fit. Në fillim po flisnim për nishanet, pastaj ka rënë muhabeti tek muskujt e barkut ku ka thënë shtrëngoi pak që t’i shoh nëse janë akoma ose jo aty. Kanë humbur apo nuk kanë humbur, jemi fit apo nuk jemi fit. I kam thënë nuk kam fuqi sepse kemi qenë para gjumit. Kam qenë e lodhur dhe kjo ka qenë e gjithë gjëja, mënyra se si mund të interpretohet është vërtet e frikshme dhr prandaj më vjen turp se si është marrë në publik.