Egli dhe Gjesti janë përfshirë sërish në një përplasje në shtëpinë e Big Brother VIP Albania 4, pas disa ditësh tensioni mes tyre.
Këtë herë, shkak është bërë xhelozia e shprehur nga Egli për afërsinë që Gjesti ka pasur me banoren tjetër, Rozanda Radi.
Sipas pamjeve që kanë qarkulluar në rrjet, është vërejtur një moment ku Gjesti duket se po përgjon Eglin pranë dhomës së rrëfimit, çka ka shtuar më tej tensionin mes tyre.
Në një debat të fundit, Egli i është drejtuar Gjesti-t me fjalët:
“Është puna për të të nxjerr akoma më keq. Ti zotëri i nderuar që pretendon se je shumë i mirë tani.”
Situata mes tyre vazhdon të mbetet e paqartë, ndërsa dinamika e marrëdhënies së tyre po ndiqet me interes nga publiku.