Ish-banori i “Big Brother VIP Albania”, G Bani ka rrëfyer më shumë
mbi ndenjat që krijoi për Danjën si dhe nëse ka pasur komunikim jashtë shtëpisë me të dashurin e saj.
I ftuar në “Wake Up”, G Bani ka pranuar se ka qenë totalisht i dashuruar me Danjën,
por tashmë nuk është më. Reperi e ka cilësuar modelen si një muzë frymëzimi, ndrësa vijon të shtojë se nga kjo dashuri ai hoqi dorë shpejt.
I pyetur nëse ka pasur komunikim me të dashurin e Danjës, i cili në një moment ka reguar i tensionuar mbi sjelljet e këngëtarit ndaj partneres së tij, G Bani ka thënë se Redin Xheli ka komunikuar me familjarët e tij dhe se kjo situatë tashmë është mbyllur.
Pjesë nga intervista:
Pyetja– Për kë thua që do të merrte malli?
G Bani– Do më merrte malli për Danjën. Isha i dashuruar kokë e këmbë me të. Tani nuk jam më. Reflektoj dhe shikoj shumë shpejt se çfarë po ndodh. Jam i dashuruar me të qenit në dashuri. Më inspironte, ishte muza ime, e ushqeja unë këtë gjë. Dola nga dashuria shumë shpejt.
Pyetja– Ke pasur komunikim me Redin, të dashurin e Danjës?
G Bani-Ai ka kontaktuar familjarë të mitë dhe ka kërkuar që të mbarojë kjo gjë. Ka qenë komunikim njerëzor, korrekt. Të ishte ndryshe, do ishte marrë vesh.