Ju jeni nga ata persona që keni një rutinë të rregullt shkoni të flini herët kujdeseni për mënyrën se si ushqeheni, por prap pas gjithë këtyre zgjoheni përsëri me një dhimbje të tmerrshme koke.
Epo lajmi in mire është që nuk jeni të vetmit që e kaloni këtë dhimbje.
Dhimbja e kokës është pengës për aktivitetin tuaj të përditshëm ajo ndodh për një sër arsyesh në total, ka më shumë se 100 kategori të ndryshme klinike të dhimbjeve të kokës, duke filluar nga dridhjet e vogla që zgjasin disa orë deri te ato të rënda dhe madje kërcënuese për jetën.
Dhimbja e kokës mund të ndodhë nëse jemi të dehidratuar, e cila ndonjëherë mund të jetë rezultat i pirjes së tepërt apo edhe ekspozimit për një kohë të gjatë në diell.
Puna me turne
Hulumtimet kanë zbuluar se dhimbjet e kokës në mëngjes mund të shkaktohen edhe nga çrregullimet e ritmit cirkadian, që është kur “ora” natyrale e trupit është e fikur, për shembull për shkak të punës me turne. Për shkak të mospërputhjes midis orës tuaj natyrale të trupit dhe kohës kur flini në të vërtetë, mund të keni gjumë të pamjaftueshëm që mund të shkaktojë dhimbje koke kur zgjoheni.
Çrregullime të gjumit
Çrregullimet e gjumit mund të shkaktojnë dhimbje koke, sepse e njëjta pjesë e trurit që kontrollon gjumin dhe humorin kontrollon edhe dhimbjen me të cilën zgjoheni. Probleme të tjera të gjumit, duke përfshirë narkolepsinë, ecjen në gjumë, gjumin me jastëkun e papërshtatshëm dhe ndryshimet e papritura në oraret e gjumit – të tilla si gjumi i tepërt ose humbja e gjumit – mund të kontribuojnë në dhimbjet e kokës. Dhimbjet e kokës në mëngjes janë gjithashtu një shenjë paralajmëruese kryesore e apnesë gjatë gjumit, të cilën shumë njerëz nuk e kuptojnë se e kanë.
Disa hapa se si mund të shpëtoj nga dhimbja e kokës?
Kompresa e ftohtë
Vendosja e një komprese të ftohtë në ballë mund të bëjë mrekulli për migrenën. Kube akulli të mbështjella me një peshqir, një qese me bizele të ngrira apo edhe një dush i ftohtë mund të lehtësojnë dhimbjen. Mbajeni kompresën në kokë për 15 minuta, më pas bëni 15 minuta pushim.
Jastëk të ngrohtë
Për dhimbje koke për shkak tensioni, vendosni një jastëk të ngrohtë në qafë ose në pjesën e pasme të kokës. Nëse keni dhimbje koke sinusale, aplikoni një leckë të ngrohtë në zonën që ju dhemb. Një dush i ngrohtë gjithashtu mund të ndihmojë.
Zbehni dritat
Dritat e forta ose të ndezura mund të shkaktojnë migrenë. Nëse jeni të prirë ndaj tyre, mbuloni dritaret tuaja me perde të errëta gjatë ditës dhe provoni të mbani syze dielli jashtë.
Përtypja e çamçakëzit nuk e dëmton vetëm nofullën, por mund të shkaktojë edhe dhimbje koke. Dhe nuk është vetëm çamçakëzi, sepse e njëjta gjë vlen edhe për kafshimin e buzëve, brendësisë ose faqeve, apo objekteve si p.sh. lapsat.
Merr pak kafeinë
Jo, ky nuk është një gabim. Sasi të vogla të kafeinës shpesh mund të lehtësojnë dhimbjet e kokës dhe madje mund të rrisin efektin e qetësuesve të dhimbjes.